EISENHOWER МАТРИЦ: ОНОВЧТОЙ ШИЙДВЭР ГАРГАХ ХАМГИЙН ҮР ДҮНТЭЙ АРГА

Оновчтой шийдвэр гаргах чадвар бол сэтгэл хангалуун амьдрал, амжилттай бизнес, сэтгэлийн амар амгаланг олох гол хүчин зүйл юм. Иймд хүн төрөлхтөн оновчтой шийдвэр гаргах тал дээр өнөөдрийг хүртэл суралцаж ирсэн бөгөөд олон ч арга, аргачлалыг нээн илрүүлсэн байдаг. Тэдгээрээс хамгийн өргөн хэрэглэгддэг нэг арга бол Eisenhower матриц юм. Энэ арга нь ажил болон амьдралд тулгардаг асуудлуудыг чухал, яаралтай гэсэн байдлаар нь ялгаж, илүү үр дүнтэй шийдвэр гаргахад тусалдаг төдийгүй хэрэглэхэд маш хялбар гэдгээрээ алдартай.

Eisenhower матрицын үндсэн зарчим нь:

1.     Чухал ба Яаралтай (Яг одоо хийх) Энэ ангилалд яаралтай бөгөөд амьдрал, ажилд шууд үр нөлөөтэй ажлууд багтана. Эдгээр ажлыг аль болох түргэн хугацаанд, өөрөө гүйцэтгэх шаардлагатай.

2.     Чухал боловч Яаралтай биш (Төлөвлөх) Эдгээр ажлууд таны урт хугацааны зорилгод нийцэж байгаа ч, яг одоо шууд хийх шаардлагагүй. Ийм ажлуудыг цаг хугацаагаа төлөвлөн, тогтмол хийхийг зөвлөдөг.

3.     Яаралтай боловч Чухал биш (Бусдад даатгах) Хугацаанд шахагдсан боловч таны үндсэн зорилгод чухал биш ажлуудыг бусдад даалгах боломжтой. Ийм ажлуудыг бусдад хуваарилснаар та өөртөө цаг зав гаргах боломжтой болно.

4.     Чухал биш ба Яаралтай биш (Хийхгүй байх) Энэ төрлийн ажлууд нь таны цагийг үр ашиггүй зарцуулдаг тул боломжтой бол зайлсхийх эсвэл бүрэн орхих хэрэгтэй.

Eisenhower матрицын хэрэглээ нь таны өдөр тутмын болон стратегийн зорилгуудыг тодорхой болгож, цагийн менежментээ сайжруулах, бүтээмжээ нэмэгдүүлэх үр дүнтэй арга юм. Энэ аргыг тогтмол ашигласнаар таны ажлын болон хувийн амьдрал илүү үр бүтээлтэй, сэтгэл ханамжтай болох болно.